بـــراد الـــصـــبـــح

ذعذع من الغربي براد الصبـح وانـا ماشفيـت

كبـدي مطاولهـا ظماهـا والهبـوب تشدهـا

ودي وهـو وده يذكرنـي يحسبنـي نسـيـت

يا بري حالي يالهبـوب اللـي يذعـذع ندهـا

يا ما سريتك فالليال الخرس وانـا مـا سريـت

الاعلى شان اكشـف اسـرار الليـال وسدهـا

وياما غفيتك جعلني ما صحى الى مني غفيـت

إلا على صوت الطيـور اللـي تحـرى غدهـا

يا ليت ما تنفع ولا باخـر طموحاتـي ياليـت

ما ينفع الا أكسب رضـا نفسـي وادور ودهـا

لو ان دمع العين ينفعهـا مـن البـارح بكيـت

لكن دمـع العيـن يفضحهـا ويجـرح خدهـا

اقول بلوى والعيون الخـدر منهـا كـم شكيـت

ما يكفي إني عارفٍ جـز ر البحـور ومدهـا

لبيك ياللي من غلاك أغليك يا شعـب الكويـت

لبيك لو انك تسـوق النفـس لاقصـى حدهـا

تراك مسرف في حياة اللـي حياتـه كمبليـت

من بيـن يدينـك لكـن رفبـه ونفسـه هدهـا

خلاص لا تقعد تعاتبنـي علـى شانـي قسيـت

تبغانـي اخضـع للهمـوم الا بوقـف ضدهـا

قد قلت عطني ذا وعطني ذا وعطني ما عطيـت

وأنته تقـول الكلمـه اللـي مـا تبيهـا بدهـا

احيان أحس أنك عدو ولا نويتـك مـا قويـت

واحيان تعجبنتـي وأقـول انشهـد أنـك قدهـا

احترت مدري وين احطك وين مدري كيف جيت

دشيت قلبـي والعـرب فيـك العيـون تلدهـا

بغيـت أردك واتبـرى منـك لكـن استحيـت

اقلط لا رحم اللـي تعـذر والضيـوف يردهـا

واخترت لك بين الضلوع الغالية كرسي وبيـت

وابنـي لـك جسـور المحبـه وتعثروتهدهـا

لاحسبي الله ما سرع النيه الـى منـك نويـت

الا لا والله يلعـن الحاجـة ويلـعـن جـدهـا

اللي توردني على حوض المنيـه مـا دريـت

وتسوقني مـن بيـن رجليـن الهبـود ويدهـا

استغفر الله كل مـا دورت لـي يمـه غديـت

عقدتنـي بالعقـده اللـي مـا عرفـت اهدهـا

والله لو انك بكرةٍ من دونهـا حـرب السفيـت

أني لا اطـول دامـع ال سنيـد علـى خدهـا