السلام عليكم .. صباحكم / مسائكم ورد وجوري وياسمين.
فيه موضوع اتمنى مناقشته
هالأيام صرت أشوف شي غير طبيعي وخيالي .
لما تتزوج الحين بنت وانا اتكلم عن الي اشوفه يعني من الأقارب .. صارت تسوي اشياء تخترعها ومايكون احد سواها من قبلها.
على سبيل المثال:
وحده جايبه حلاوى من البحرين وكراسي للصاله من الدمام ومكسرات طلبيه من الشام وعرض بروجكتر ...الخ
ووحده ثانيه مسويه حركه جايبه سمك << طبعا حي ولسى عايش ههههههههههههه يعني منظر على كل طاوله وتقريبا الي سمعته خسارتها بأحواض السمك ماتعادل 10,000 الاف سعودي..
وماخفى اعظم... طبعا كل هالمصاريف على ظهر الزوج المسكين .. وهو ساحب قرض ومتسلف ومسوي الهوايل عشان يتزوج ويعطيها هالمهر .. وهي بالأخير تبذرها على اشياء تافهه وفي نهاية العرس اعتقد مامنها اي استفاده.
ياليت كل شخص يذكر لنا الحاصل من هالأمور في الزواجات وأكيد الحريم هم الي يشوفون هالاشياء وعندهم تفاصيل اكثر
الشي الثاني : وش الحل في هالموضوع وهل تشوفونه شي عادي ام شي سلبي
تحياتي لروحكم الطيبه
