اضــــرب عــــلــــى الــــكـــــايـــــد ,,,, عـــبــــيـــد بن رشـــــيــــد

القلب من كثر الهواجيس قزان
مايستريح من الدهر ربع ساعه

ياغافر الزلات ياوالي الأحسان
تجعل من التقوى لروحي بضاعه

انا على لان وربعي على لان
متخالف رايي وراي الجماعه

ماني ولد شاوي يسرح الضان
يفـرح بتصنيف البهم والرضاعة

أنـا ولـد علـي سلايل كحيلان
وربي خلقني للسبايا وداعه

الناس ماتسقيك لامن صرت ضميان
ولايشرب المضمي سوى من ذراعه

اضرب على الكايد الى صرت بحلان
وعند الولي وصل الحبل وانقطاعه

عيب على اللي يتقي عقب مابان
وعيب طمان النفس عقب ارتفاعه

اما تجي بعقود لول ومرجان
والا فهي لبليس طيرت شعاعه

وطرابة الدنيا مع الفجر دخان
وأكرارة باطراف خطوا الصماعه