تــجـــاريــب شــايـــب

خذيـت من وقتي تجاريب شــايب
وانا شباب وعــارضي مابعد شاب

ميّزت حال الوقت شفت العجــايب
شي ّ يخلّي صاحي العقل ينصـاب

وقت ٍ تشتّت فيه شمل القـرايب
الاخوان فيه اليـوم تحسبهم اغراب

وقت الحماقه والغثا والنشـــايب
راحت به انفس والسّبب قطعة تراب

فيـه النشاما عرضة للمصــايب
يشكون من ذاالوقت عكفان الاشناب

بيـوت المعزّه فيه صـارت خرايب
واهل الوفى ماعاد يحسب لها حساب

عقـب المروّه والعلـوم الــذرايب
وعقب التفـاخر بالقبـايل والانساب

تبدّلت لوضاع صــــارت عقايب
مديـــحة الرجّـال لاقيل نصّـاب

اول دروب المدح كـانت صعــايب
المدح يلزم كسبــه افعـال واسباب

واليوم صار المدح مــاله سبايـب
حسب المصالح يمدح الرجل ويعـاب