اســف علـى الـلي راح واســف على الـجـاي

اسف على اللي راح واسف على الجاي
واسف على ما صار مني وسويت

ارجوك سامحني على كثرة اخطاي
وارجوك تغفر زلتي يوم زليت

وارجع تراني راجع لك من اقصاي
وان ما قبلت برجعتي لك توفيت

اثرك معك صبر وعزيمه لفرقاي
وانا احسب ان مالك امل لوتحديت

خابرك لذنوبي ولخطاي نساي
معقول لك عدة ليالي ماسجيت!

جلست افكر في غيابك وش الراي
وحسيت مدري ويش انافيه حسيت

حسيت في ذنبي وفي عظم بلواي
وان الفراق يقول لي وينك امسيت

اخطيت في نفسي وفي وصفة دواي
وانا من جروح الزمن ماتشافيت

حاولت اصلح غلطتي غير ما امداي
حتى اعترفت اني تجاهلت واخطيت

والحين جيتك مندفع لك من اقصاي
وان ما قبلت برجعتي لك توفيت