يـا صـاحـبـي مـثـلـكـ ذخـرتـه واحـنـه

ياصاحبـي مثلـك ذخرتـه واحنّـه
زل الوصال ودرب الاحباب ممـدود

الطيب يجنى والذهـب مـن مغنّـه
ماهوب في درب المساكين مرجـود

ماكل من يضحـك جعلتـه مظنّـه
يبقى على قـدّه مقـدّر ومحـدود!!

واللي يبدل واجب الفـرض سنّـه؟
هذاك في وادي معاكـس ومسـدود

كني به الى فـاق ثـم جـر ونّـه
الى اكتشف فيها بعض الاوجه السود

اللـي سـلام الله تقفـيّـه مـنّـه
وان مر عرضه كلهم صارو اشهود

بالكـذب والبهتـان انّـه !! وانّـه
وايصغّرون الطيب منّه وهـو عـود

واللـي سلاحـه للنشامـا يسنّـه
يذرع لسانه خابـرٍ مالـه عضـود

يلبس قناع الكـذب والغـدر عنّـه
محمود فالظاهر وهو غير محمـود

يكفيه حرمانه على سـوء ! ظنّـه
وان مات مايلقى عذر والعذر كـود

ومن مات مات وسجة الناس منّـه
الا العمل يبقى على طـول موجـود

في الاخره مـا غيـر نـارٍ وجنّـه
لاعاد به نقصٍ ولا عـاد بـه زود