لــو يـجـرح الـبـعـد حــس اغـلا مـحـبـيـنـي

لو يجرح البعد حـس اغـلا محبينـي
فانا لذكراه داخـل مهجتـي ..حاكـر

لو يقطع الوقت حبل الوصـل بيدينـي
ابقى لما فات لو هو قد مضى ..شاكر

امـا بواسيـه والا انـه يواسيـنـي
ما للوفا فـي بقايـا هالزمـن ذاكـر

قمت اتحسّف على الماضي من اسنيني
حسايف اللي صنع معروف في ناكـر

ما تضمحل الجبال الشم فـي عينـي
لو يحتجب حجمها في عجّها الساكـر

لو تنحني لللعواصـف دوم وتلينـي؟؟
ما كان هي للجوارح روسها ...ماكر

واللوول يلمع ويغري شكلـه الزينـي
ما ضره انه يعيـش اببحـره العاكـر

ما اظن به شي في ذالوقـت ينسينـي
مافيه يـوم ٍ جديـد الا وانـا فاكـر

ان اقبل الصبح قلـت الليـل يمدينـي
وان اقبل الليل قلت ان الفـرج باكـر