ضـــيـــقـــه عــصــيــر

الروابع تقلّـب بـي علـى كـل صـوب
الحقايـق ضبابـيـه ولا بــه وكــاد

كنّهـا فـي عيونـي حلـم ليـلٍ كـذوب
شايفه شوف يوم اقفـى ولا عـاد عـاد

ادري انّـه علـى حـد السرابـه يـذوب
ايتلاشـا ولـو شـوف النواظـر حـداد

ما اعتبر كل مقفي يـوم يقفـي هـروب
ربمـا انّـه مـزاج وربمـا انّـه عنـاد

لو يهم الجـدي غيبـة سهيـل الجنـوب
كان كـل الحـرار الشقـر لبسـة حـداد

سامعٍ لـي علـومٍ تبغـي المـا يـروب
وينهـا يامعلّـم فـي نـهـار الـطـراد

علّـة الوقـت ماتشفـا بحفنـة حبـوب
ابيض الطرس مـا يبكـي لفقـد المـداد

الذكـا مايلبّـس للفتـى لبـس ثــوب
لا يحـرّج عليـه ولا لمثـلـه مــزاد

الفسـاد الكثيـر افنـى كثيـر الشعـوب
ماذكـر باتباعـه مـن تسيّـد وســاد

هيه ياللي تريد اتثيب جرحـى الحـروب
النصـر مايجيبـه كـون خشـم الزنـاد

اجتمع بك مواهب وامتلـت بـك جيـوب
شوف زرقا اليمامه واسمع امـن القـراد

مس راسك وكانـه بالبطـاح امعصـوب
فايـك ايـاه مـا يحتـاج زود اجتـهـاد

بالاساطيـر ماهـو ينقضـي كـل نـوب
التمـرّد علـى شـوف الحقايـق فسـاد

ارد للعـد وتعيّـن جـبـاه امـعـروب
وردة الـرس ماتحـري بتـرس الـوراد

لا تدافع من اللـي يحتمـي لـه بطـوب
لا صفى جو مكه وش علي مـن تشـاد

دام فيهـا مثـل ماقيـل نفضـة جيـوب
خل وضح النقا والصـدق شـف ومـراد

ادري من امس فنجال الخواجـات كـوب
وادري الطق في اللي مـات ماعـد فـاد

وادري ان الثقه بك في طريـق النضـوب
وادري ان كل من جا فوقـه الحـد بـاد

خيّلا البل وانا سميـت رجـل امحسـوب
لا انتخى البن باسمـي زدت فوقـه قنـاد

دام الانضى وصفر الخيل تبغـي ركـوب
مـا تـردّد ولا اجامـل ورايـي ســداد

وان غدا في الملاقا من ورى الحوب حوب
كن صلف المواجـه عنـد ربعـي عيـاد

وش علي من كلافـة نافخيـن الجنـوب
سلّم المجـد ثابـت مـن ثمـودٍ وعـاد

هاجسي لا تقصـوى خـل ممشـاك دوب
ريّـح البـال دام الله حسـيـب العـبـاد

انتبه مع خويـي فـي جميـع الـدروب
دامه اللي على الشطه الـى جـدت جـاد

جيب جيٍ وفرقـه فـي جميـع الجيـوب
لا زهمته وانا بـي ضيقـة اعصيـر زاد

يشرب القاز في عز الظهـاري شـروب
والسمايـم مـن الخـارج جعلهـا بـراد

يغتنم بي مـرادي قبـل وقـت الغـروب
يدري انّي مـع الضيقـه ماحـب البـلاد

يدري انـي الـى نّويـت حـل الوجـوب
الوعر في طريق الجيـب مثـل الحمـاد

لا تذكـرت لـي دارٍ تـضـم امحـبـوب
ويش ابي بالفياض اللي غزاهـا الجـراد

كل ماهب مـن ذيـك المرابـع هبـوب
لو حـلا النـوم بعيونـي يطيـر الرقـاد

لعنبـو حـي حيّـك يالغـزال اللـعـوب
مانشغل عنك في رحلـه مـع السندبـاد

تبت من طرد غيرك بس عنـك ماتـوب
دلـك الزيـن يجذبنـي بسلـك الــوداد

فيك سحـر الطبيعـه وامتـلاك القلـوب
بالعيون الوسـاع اللـي حبكهـا سـواد

طيفك العـذب بافـاق الحبايـب يجـوب
فـوق حـد الجهالـه دون حـد الرشـاد

كل ماقلت بالقى فـي وصوفـك عيـوب
واقنـع النفـس عنّـك لابغيـت ابتعـاد

شفت مابك سوا بالخلـق تكسـب ذنـوب
قانص بالعيـون السـود يرمـي وصـاد

صرت كلك بصـوبٍ والعـذارى بصـوب
ويش اسوي مادام النفس حـرب وجهـاد

وراحتي يوم شبشـاب الحكايـا شبـوب
عند نجـل العيـون وطيـر حـر وهـداد

» الـــضـــيـــقـــه الــلــي دايـــم تـــالـــي عــصــيــر ابـــن فـــطـــيـــس