حــكــايـــه الـــمــــرجــــان

الا ياوجودي وجد مـن فاجـأه ديّـان
برغم اعتزال الناس من كثـرة اديونـه

بعد ما فضى جيبه وكفه وحاله شـان
تناسوه ربعـه كنهّـم مـا يعرفونـه

تناسوا مواقيفه ولا كـن شـيٍ كـان
على غير ما ترضى الكرامه يحدونـه

وهو كان منقع طيب منهل وفا واحسان
فلاشـك عّـوان الزمـان ايتحدونـه

رفع كفه الخالي الي الخالق الرحمـان
عقب ما تصافوا كلهم ظلم مـن دونـه

سريع الفرج كافل برزقه جميع انسـان
قبل طلبته واعطاه ما خيّـب اضنونـه

على اللي سلب عقلي بسلهامة الاعيان
على العهد لو تبعد نحاياه مـا اخونـه

الى جيت باادله من خياله بعض الاحيان
يذكرّني القمري على الغصـن بلحونـه

يذكرّني القد المخصّـر وهـو مليـان
تعزّال رسلانٍ علـى الضـو مركونـه

يتيم الوصوف وليّن العود غصن البـان
جميل المحيـا والحجاجيـن مقرونـه

الى اوما بليل امجدله من على الامتان
تخيّلت كـن الليـل ممسـاه بمتونـه

والى طاح واسترسل وبانت لي الاوجان
تخيّلت نور الصبح وان الشفـق دونـه

لها بنّة العطّـار واحكايـة المرجـان
مع اللول والرمّان كن البـررد لونـه

معا ذا ..ولولا الميز باقول بنت افـلان
على شان مثلي لاعشقهـا تعذرونـه